شعر/ فؤاد داؤد
في لحج الحبيبه الإهمال زاد
صارت يا حسافه بؤره للفساد
هذي هيه الحقيقه و القول السديد
في لحج الحبيبه مافي شي جديد
في لحج الحبيبه قولوا للمزايد
عن قول الحقيقه و الله خير شاهد
ما نسكت و ربي لو ترعد رعيد
في لحج الحبيبه مافي شي جديد
إن جينا هرجنا و قلنا للحقيقة
هددنا و ذقنا للي ما نطيقه
و بدال الشكر جانا يا خبره وعيد
في لحج الحبيبه مافي شي جديد
يكفي لحج آهات يكفيها شتات
في ثوب المآسي و الحسره تبات
تصبح بالبواطل معصوده عصيد
في لحج الحبيبه مافي شي جديد
وين الوعي ياللي قد طال صمتكم
و الإهمال هذا ما أثر بكم
ترضوا بالمضره و تأبون المفيد
في لحج الحبيبه مافي شي جديد
