وجه الشخصية السياسية و الاجتماعية حبيب اليهري ‘ يطالبه الاختيار مابين الشعر أو دعم جبهة محور يافع حيث نشر اليهري الرسالة عبر صفحته
نص الرسالة
عفواً اخي القائد عبدالعزيز المنصوري لا انت الي عززت جبهة يافع بالايرادات كان قد معانا عشرة الوية من حق الجبايات
ولا انت تركت ورجعت للشعر مثل اول كنا ع الاقل بنستفيد منك في مجال الشعر تعطي عزيمة اما انك فرحان عشان معاك اسم محور وهم صرفو لك مصفحة وراتب وخمسةعشر طقم وكل شهر يعطوك كم شنطة ذخيرة وربي انها جريمة وفي المقابل مليارات ايرادات النقاط
لذلك ارجوك اختار لك وحدة من ثنتين اما تكون قائد صاحب قرار ومسك الايرادات وشتره بها سلاح وبنا جيش في يافع وكلنا معاك وحتى لو قطعو راتبك من عدن طز لان الايرادات اكبر واكبر وقده يسجلك التاريخ
واما يا اخي امنع القاطرات من دخول يافع لانها عادها بتسبب لنا تكسير وخراب للخط العام ورجنا نصلحه على حسابنا والفلوس حق الجمارك تروح الى عدن وربي ما سبرت لو فيكم نخوة
والا بربك كيف توصلو الايرادات الى الانتقالي بعدن والانتقالي مش راضي يدعم جبهة يافع بالسلاح ولا بكم لواء المتكدسة في عدن ولذالك قطع الايرادات واجب وادعم فيها الجبهة لانه حالة استثنائية موجودة والتاريخ يسجل
او الخيار الثالث مثلما قلتلك قدم استقالتك ويمسك واحد بدالك ورجع للشعر احسن لك ولنا اما انكم تنتظروا ان نجمع نحن المغتربين وندعم الجبهة كما يقترح بعض الاخوة اعتقد انه الغباء بعينة وانتم تقبضو مليارات . اتمنى ان تتمعن رسالتي
وهي رسالة للانتقالي اما يعقلوا ويدعموا او يتركوا ايرادات يافع لجبة يافع واما يسلموها للعمالقة وتشوفوا النصر المبين بحق وحقيق
اما طريقتكم ذي ناكل الجبايات والمقاتلين لهم الله كل كم يوم نحصد ارواح تروح والخوثيين على الحدود لا والله ما نرضاها اشتغلو صح ولا خلو رجال العمالقة لانهم لها . اما كلام وشعارات وصمت ما عاد نبغاه خلاص