شعر : فؤاد داؤود
يا حبيبي بسألك
ليه دايم تبتعد
ليه تعاندني و تقسى
تهد قلبي يوم تصد
و انت ذايب في هواي
و قط لن تعشق سواي
فكيف يحلو هذا لك
يا حبيبي بسألك
*******
بس حسك يا حياتي
يجيني من عندك جواب
مشتيش أقرأ يا حبيبي
في السطور كلمة عتاب
لا تجاوب عن سؤالي
لا تزيد نار اشتعالي
غصب عني قلت لك
يا حبيبي بسألك
*******
شوف قلبي في ضلوعي
يشتي لا عندك يطير
كل ساعة يمتحني
ليش ذا منك يصير
و انت عنده من كماك
ما تشوف عينه سواك
و عمره ما يوم زعلك
يا حبيبي بسألك